Thu. Aug 13th, 2020

Dina Anjal News

World Top Tamil News Website – Dina Anjal News

ஆசிட் வீச்சில் பாதிக்கப்பட்டோருக்கு பென்ஷன்

1 min read

 

டேராடூன் : உத்தரகண்டில் ஆசிட் வீச்சால் பாதிக்கப்பட்ட பெண்களுக்கு மாதா மாதம் பென்ஷன் வழங்கும் திட்டத்தை பரிசீலனை செய்ய உத்திரகண்ட் அரசு திட்டமிட்டுள்ளது.

தற்போது ஆசிட் வீச்சால் பல பெண்கள் பாதிக்கப்படுகின்றனர். நாட்டில் ஆசிட் வீச்சால் பாதிக்கப்பட்டவர்களின் எண்ணிக்கை அதிகரித்துக்கொண்டே செல்கிறது. இந்நிலையில் இது தொடர்பாக உத்தரகண்ட் அரசு புதிய திட்டம் ஒன்றை செயல்படுத்த ஆலோசனை செய்து வருகிறது.

சபாக் என்னும் திரைப்படம் ஆசிட் வீச்சில் பாதிக்கப்பட்ட பெண்ணின் கதையை மையமாக கொண்டது. இந்த திரைப்படத்தின் எதிரொளியாகவும், பாதிக்கப்பட்டவர்களின் வாழ்வாதாரத்தை மேம்படுத்தவும் இந்த திட்டம் செயல்படுத்தப்பட உள்ளது.

இது குறித்து, மாநில மகளிர் மற்றும் குழந்தைகள் நலத்துறை அமைச்சர் ரேகா ஆர்யா கூறுகையில், ஆசிட் வீச்சில் பாதிக்கப்பட்ட பெண்களுக்கு மாதம் ரூ. 5000 முதல் 6000 வரை பென்ஷன் வழங்க அரசு திட்டமிட்டுள்ளது.

இதனால் அவர்கள் சமூகத்தில் மரியாதையுடனும் பண பிரச்னை இன்றியும் வாழ முடியும். இந்த திட்டத்திற்கு உத்தரகண்ட் அமைச்சரவை அனுமதி வழங்கியதும் இந்த திட்டம் பற்றிய அறிவிப்பு வெளியாகும். இவ்வாறு கூறினார்.

Leave a Reply

Your email address will not be published. Required fields are marked *