Tue. May 26th, 2020

Dina Anjal News

World Top Tamil News Website – Dina Anjal News

ஊரடங்கு அடுத்த பிளானை ரெடி பண்ணும் மத்திய அரசு!

1 min read

 

நாடு முழுவதும் அமலில் இருக்கும் ஊரடங்கு முடிவுக்கு வரவுள்ளதால்அடுத்துமத்திய அரசின் முடிவுகொரோனா வைரஸைக் கட்டுப்படுத்தும் வகையில் நாடு முழுவதும் இரண்டாம் கட்டமாக ஊரடங்கு அமலில் இருக்கிறது. வரும் மே 3ஆம் தேதியுடன் ஊரடங்கு நிறைவு பெறவுள்ளதால் அடுத்தக்கட்டமாக மத்திய அரசு என்ன முடிவெடுக்கும் என்று கேள்வி எழுந்துள்ளது.

இதையொட்டி அனைத்து மாநில முதலமைச்சர்கள் உடன் பிரதமர் மோடி வரும் 27ஆம் தேதி வீடியோ கான்பரன்சிங் மூலம் ஆலோசனை நடத்துகிறார். இதுதொடர்பாக அரசு தரப்பு தகவல்கள் கூறுகையில், கொரோனா பாதிப்பு இல்லாத மாவட்டங்களில் ஊரடங்கு நீட்டிக்கப்படாது.ஆனால் ஊரடங்கிற்கு பிறகான மாநில அரசுகளின் செயல்பாடுகள் மிகவும் முக்கியத்துவம் வாய்ந்தது.

 

இதுபற்றி வரும் 27ஆம் தேதி நடைபெறவுள்ள கூட்டத்தில் பேசி முடிவெடுக்கப்படும் என்று தெரிகிறது. அதேசமயம் ஹாட்ஸ்பாட் மற்றும் ஹாட்ஸ்பாட் அல்லாத பகுதிகள் என பிரிக்கப்பட்டு செயல்திட்டம் வகுக்கப்படும். கடந்த வாரத்தில் மத்திய சுகாதாரத்துறை வெளியிட்டுள்ள அறிக்கையில், மொத்தமுள்ள 718 மாவட்டங்களில் 429ல் கொரோனா பாதிப்பு ஏற்பட்டுள்ளது. 289 மாவட்டங்களில் எந்தவித பாதிப்பும் இல்லை.

தனிமைப்படுத்தப்பட்ட மண்டலங்களில் கட்டுப்பாடுகள் தளர்த்தப்படாது.அதாவது கொரோனா பாதிப்பு அதிகம் இருக்கும் இடங்களில் மத்திய அரசு ஏற்கனவே அமல்படுத்தியுள்ள கட்டுப்பாடுகளுடன் ஊரடங்கு தொடரும்.

விதிமுறைகளை மேலும் கடுமையாக்க அரசு திட்டமிடும் என்று எதிர்பார்க்கப்படுகிறது. மற்ற பகுதிகளில் நோய் கட்டுப்பாட்டு யுக்திகள், பொருளாதார அம்சங்களை கருத்தில் கொண்டும் கட்டுப்பாடுகள் தளர்த்தப்படும். சிவப்பு மற்றும் பச்சை மண்டலங்களாக பிரித்தல் அல்லது ஹாட்ஸ்பாட் அல்லது தற்போதைய மாடல்களில் ஏதாவது ஒன்று பின்பற்றப்படலாம் நேற்றைய தினம் மத்திய அரசு தரப்பில் வெளியிடப்பட்ட அறிக்கையில்

வைரஸ் தொற்றால் பலி எண்ணிக்கை உயரும் விகிதம் 6 சதவீதமாக மிகவும் குறைந்த அளவில் இருப்பது சுட்டிக் காட்டப்பட்டுள்ளது. இது நம்பிக்கையூட்டும் விஷயம் என்றும், விரைவில் கொரோனா வைரஸ் பரவல் முழுவதுமாக கட்டுப்படுத்தப்படும் என்றும் கூறப்பட்டுள்ளது. அதன்பின்னர் படிப்படியாக வைரஸ் பாதிப்பில் இருந்து இந்தியா மீண்டும் வர யுக்திகள் வகுக்கப்பட்டு செயல்படுத்தப்பட இருப்பதாக தெரிகிறது.

மத்திய அரசுக்கு சவாலாக இருக்கும் மாநிலங்களாக மகாராஷ்டிரா, குஜராத், டெல்லி, மத்தியப் பிரதேசம் ஆகியவை இருக்கின்றன ஏனெனில் நாட்டின் ஒட்டுமொத்த வைரஸ் தொற்றில் பாதிக்கும் மேலான எண்ணிக்கை இந்த மாநிலங்களில் தான் இருக்கிறது. இங்கு கட்டுப்பாடுகள் மிகவும் கடுமையாக செயல்படுத்த வேண்டியது அவசியமாகிறது.

     மாவட்ட வாரியான வைரஸ் பரவல் பட்டியலில் மும்பை, அகமதாபாத், இந்தூர், புனே, ஜெய்ப்பூர், ஐதராபாத், தானே, சூரத், சென்னை, போபால், ஆக்ரா, ஜோத்பூர், டெல்லி ஆகிய 13 மாவட்டங்கள் அதிகம் பாதிக்கப்பட்டிருக்கின்றன. இங்கெல்லாம் தீவிர நடவடிக்கைகள் எடுக்கும் வகையில் மாநில அரசுகளுக்கு மத்திய அரசு உத்தரவு பிறப்பிக்கும் என்று கூறலாம்.

கடந்த முறை போன்றே மாநில அரசுகள் தங்கள் பகுதியில் உள்ள கொரோனா வைரஸ் தாக்கத்திற்கு ஏற்ப முடிவுகள் எடுத்துக் கொள்ள மத்திய அரசு வாய்ப்பளிக்கும் என்று எதிர்பார்க்கப்படுகிறது

Leave a Reply

Your email address will not be published. Required fields are marked *